Վահան Եղիազարյանը ներկայացրել է Հայաստանը Հայրենական մեծ պատերազմի հաղթանակի 70-ամյակին նվիրված 7-րդ դիվանագիտական սեմինարին

 

«Զարգացում» հասարակական շարժման նախագահ և Հայ-ռուսակական երիտասարդական ալյանսի հիմնադիր և կառավարման խորհրդի մշտական անդամ Վահան Եղիազարյանը ներկայացրել է Հայաստանը, մայիսի 6-9-ին կայացած, Հայրենական մեծ պատերազմի հաղթանակի 70-ամյակին նվիրված 7-րդ դիվանագիտական սեմինարին: Միջոցառումը կազմակերպել էր Ա. Մ. Գորչակովի անվան հանրային դիվանագիտության աջակցության հիմնադրամը:

Հայրենական մեծ պատերազմի հաղթանակի 70-ամյակի և սեմինարի շրջանակում Մոսկվա էին ժամանել 14 օտարերկրյա ներկայացուցչություններ՝ այդ թվում և Հայաստանից:

7-րդ դիվանագիտական սեմինարի մասնակիցների համար կազմվել էր միջոցառումների հագեցած ծրագիր.

1. Ծաղիկներ դրվեցին Անմար կրակի հուշահամալիրում:
2. Այց Հավաքական անվտանգության պայմանագրի կազմակերպության (ՀԱՊԿ) քարտուղարություն և հանդիպում ՀԱՊԿ-ի գլխավոր քարտուղար Նիկոլայ Բորդյուժայի հետ:
3. Հանդիպում երիտասարդության հարցերի դաշնային գործակալության  ղեկավար Ս. Պոսպելովի հետ:
4. Այց ՌԴ Դաշնային Խորհուրդ և հանդիպում ԴԽ-ի միջազգային գործերի հանձնաժողովի նախագահ Կ. Կոսաչյովի հետ:
5. Այց ՌԴ Պետդումա և հանդիպում ՌԼԴԿ նախագահ Վ. Ժիրինովսկու հետ, ինչպես նաև Պետդումայի ԱՊՀ հարցերի, եվրասիական ինտեգրման և հայրենակիցների հետ կապերի կոմիտեի անդամ Ռ. Շլեգելի հետ:
6. Հանդիպում Գորչակովի անվան ֆոնդի գործադիր տնօրենի տեղակալ Ռ. Գրիշենինի հետ:
7. Հանդիպում Քաղաքակրթությունների գործընկերության կենտրոնի տնօրեն, ՌԴ արտակարգ և լիազոր դեսպան Վ. Պոպովի հետ:
8. Հանդիպում Ազգային էներգետիկ անվտանգության ֆոնդի գլխավոր տնօրենի Կ. Սիմոնովի հետ:
9. Հանդիպում ՌՈՍՍՈՏՐՈՒԴՆԻՉԻՍՏՎՈ-յի, «Русский Мир» ֆոնդի, Հումանիտար համագործակցության միջպետական հիմնադրամի (ՀՀՄՀ), «Youth Time»-ի, Ռուսաստանի միջազգային հարցերի խորհրդի, «Russia Beyond the Headlines» ծրագրի և փորձագիտական հանրության ներկայացուցիչների հետ: